АНКАРА. ҚазАқпарат – Түркия парламенті Ливияға қатысты жаңа заң жобасын қабылдады. Оған мемлекет басшысы қол қойған. Жаңа құжат бойынша түрік әскери қызметшілері Ливияға бара алады, деп хабарлайды Анадолы агенттігі.
325 парламентарий аталмыш заң жобасын жақтап дауыс берді, ал 184 депутат қарсы болды.
Тиісті заң жобасы 30 желтоқсан күні парламент қарауына ұсынылған еді.
27 қарашада Түркия мен Ливия ұлттық келісім үкіметі арасында екі ынтымақтастық меморандумы жасалды.
Оның біреуі қауіпсіздік, әскери ынтымақтастық және теңіздегі құзыретті шектеуге арналса, екіншісі халықаралық заңдардан туындайтын қос елдің құқықтарын қорғауды көздейді.
Жанат Қапалбаева
М.Х. Дулати атындағы Тараз мемлекеттік университетін бітірген.
Еңбек жолын аймақтық басылымдардан бастаған.
Төрт тіл біледі, кәсіби аудармашы.
2018 жылдан бері – Kazinform шығарушы редакторы.
ҚР Журналистер одағының мүшесі.