НҰР-СҰЛТАН. ҚазАқпарат - Түркияның Дерик қаласында жүк көлігі халықты қағып кетті. Жергілікті ақпарат құралдарының хабарлауынша, көліктің тежегіші істен шыққан, -деп хабарлайды ҚазАқпараттың меншікті тілшісі.
Оқиға жанармай құю бекетінің жанында болған. Бейнежазбада жүк көлігінің көпшілікке қарай жүйткіп бара жатқаны көрсетілген. Полицияның айтуынша, ол алдымен тоқтап тұрған екі көлікке соқтығысқан. Апат салдарынан 16 адам қаза тапты, тағы 20-дан аса адам жарақат алды.
Оқиға орнында төтенше жағдайлар қызметі мен полиция жұмыс істеп жатыр.
Асхат Райқұл
М.Х.Дулати атындағы ТарМУ түлегі. Журналистика саласында 15 жылдан бері еңбек етіп келеді. Аймақтық, салалық, республикалық басылымдарда, интернет-порталдарда түрлі қызметтер атқарған.
2022 жылдан бері - ҚазАқпарат агенттігінің шығарушы редакторы.