АСТАНА. ҚазАқпарат - Баспасөз құралдарының хабарлауынша, жыл басынан бері Түркияда 779 жан Ислам дінін қабылдап, мұсылман атанған. Бұрын ұстанған діни ұстанымдарынан бас тартып, ақиқат жолға түскендердің көпшілігі христиан дініндегілер көрінеді. Бұл жайында Түркия дін істері cекретариатына сілтеме жасай отырып, FIDES ақпарат агенттігі хабар таратты, деп хабарлады www.muslim.kz.
779 жанның 616-сы бұрын христиан дінінде болған көрінеді. Ал, ең төменгі көрсеткіш индустарға тиесілі болған. Жыл басынан бері тек үш-ақ адам индуизмнен бас тартып, мұсылмандықты қабылдаған екен.
132 жан Ислам және басқа діндерді қолайлы көріп, ақиқат жолды анықтау үстінде болған көрінеді. Ал, жиырма бірі бұған дейін Құдай жоқ деген соқыр сенімде болған.