АСТАНА. KAZINFORM - Түркияның Анталья қаласында WKF каратэден Karate1 Premier League - Antalya турнирінде Әсел Қанай қола жүлдегер атанды.
Қазақстандық спортшы 61 келіге дейінгі салмақ дәрежесінде бақ сынады. Ол қола жүлде үшін таласта франциялық Леа Авазериді 4:2 есебімен есебімен тізе бүктірді.
Еске салсақ, аталған жарысқа 60 елден үздік 400-ге жуық спортшы қатысып, бақ сынап жатыр.
Халықаралық турнирде енді тағы екі қазақстандық спортшы қола медаль үшін таласады. Ел құрамасынан (75 келіде сайысқа түсіп жатқан Әбілмансұр Батырғали және Нұрқанат Әжіқанов қола медальді сарапқа салады.
Ал 50 келі салмақта Мөлдір Жаңбырбай алтынға таласуға мүмкіндік алды. Ол бұдан бұрын Азия ойындары мен біріншілігінің күміс жүлдегері, 2023 жылғы әлем чемпионы атанған.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.