Бұл туралы журналистерге шұғыл брифинг өткізген ҚР Инвестициялар және даму вице-министрі Берік Қамалиев мәлім етті.
«Біздің қолда бар мәліметке сүйенсек, Ыстамбұл, Анкара қалаларының әуежайларындағы жағдай қиын. Анталия әуежайына қатысты айтар болсам, қазір Түркияның авиация саласындағы билігімен байланысқа шығып, қосымша хабарлайтын боламыз»,-деді Б.Қамалиев.
Вице-министрдің хабарлауынша, түннен бері Қазақстаннан Түркияға ұшатын 15 рейс кейінге шегерілген. Алайда, бір чартер және бір жүк әуе кемесі еш жағдайға қарамастан, Түркияға ұшып кеткен.