Reuters-ке сілтеме жасай отырып РБК агенттігінің хабарлауынша, бұл туралы журналистерге Түркияның ішкі істер министрі Идрис Наим Шахин мәлім етті.
Оның айтуынша, 117 адам жер сілкінісінен ең көп зардап шеккен Эрджиш қаласында, ал 110 адам Ван қаласында қаза тапты. Мыңнан астам адам әртүрлі жарақат алса, жүздеген адам із-түссіз жоғалғандар қатарында.
Іздеу-құтқару жасақтары мен еріктілер түні бойы үйінді астында тірі қалғандарды іздеді. Қазіргі таңда іздеу жұмыстары жалғасуда.