АСТАНА. KAZINFORM - Түркияның оңтүстігіндегі Газиантеп провинциясында полиция тікұшағы апатқа ұшырады: екі ұшқыш қаза тауып, бір техник жараланды. Бұл туралы Анадолы ақпарат агенттігі хабарлады.
Түркияның ішкі істер министрі Али Йерликаяның айтуынша, Нұрдағы ауданы Картал Кою қаласында полиция Бас басқармасының әуе флотының тікұшағы апатқа ұшыраған.
- EM 708 нөмірлі тікұшақ Хатай әуежайынан Газиантеп әуежайына ұшып бара жатқан, соңғы рет экипаж жергілікті уақыт бойынша 22.49-да байланысқа шыққан, - деп хабарлады ведомство басшысы.
Оқиға орнына дереу Ұлттық медициналық құтқару қызметі (UMKE), құтқарушылар, жандармерия қызметкерлері және Түркияның Апаттармен күрес басқармасының (AFAD) топтары жіберілді. Жараланған полицей ауруханаға жатқызылды.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы