Түркістан қолөнершілер қаласы атанды
ТҮРКІСТАН. KAZINFORM — Ресми түрде арнайы мәртебені растайтын сертификат келді.
Түркістан қаласы «World Craft Council» халықаралық ұйымының шешімімен және Дүниежүзілік қолөнер Кеңесінің келісімімен «Қолөнершілер қаласы» мәртебесін иеленді.
Алдағы уақытта «Ерекше мәртебе» статусы аясында қолөнершілер шығындарының 25 пайызы субсидияланатын болады. Сондай-ақ, таяу уақытта қолөнершілер орталығын пайдалануға беру жоспарлануда.
— Түркістан қаласында қолөнер саласы ұлттық дәстүрлерді сақтай отыра, заманауи үрдістермен үйлесімді дамып жатыр. Түркістандық шеберлердің керамикалық бұйымдары әсемдігімен, нақышты өрнектерімен және жоғары сапасымен ерекшеленеді, — делінген Түркістан қаласы әкімдігі таратқан ақпаратта.
Айта кетейік, бұдан бұрын Түркістан «Халықаралық қолөнершілер қаласы» мәртебесін алуға ниетті екендігін жазған болатынбыз.