Түркістан облысында 102 адам туберкулез жұқтырған

ТҮРКІСТАН. KAZINFORM — Кох таяқшасы балалар арасында көбейген.

Өткен жылы өңірде 516 адамнан туберкулез анықталған. Ал балалар арасында 41 жағдай тіркеліп, көрсеткіш 4,7 пайызға өскен. Оның ішінде 21 бала 15 жасқа толмаған болса, 19 бала 15-17 жас аралығындағы жеткіншектер.

Жалпы, жоғары аурушаңдық Арыс қаласы мен Түлкібас, Бәйдібек, Мақтаарал, Сауран және Жетісай ауданы өскен. Екі ай ішінде флюорографиялық тексеруден өткен 7000 жуық тұрғынның арасынан туберкулез жұқтырған 8 науқас анықталған. 

— Бір қуанарлығы, туберкулездің асқынған түрі тіркелмеді. Биылғы жылдың 24 ақпаны мен 24 наурыз аралығында Дүниежүзілік туберкулезге қарсы күрес бойынша айлық басталды. Түркістан облысы санитариялық-эпидемиологиялық бақылау департаментінің ұйымдастыруымен туберкулез ауруының алдын алу бойынша қолданыстағы нормативтік актілерге сәйкес эпидемиологиялық іс шаралары қатаң бақылауға алынып, тұрғындар арасында санитарлық ағарту жұмыстары кең көлемде насихатталуда, — деді Түркістан облысының санитариялық-эпидемиологиялық бақылау департаментінің басшысы Нұрбек Нышанов.

Айта кетейік, бұдан бұрын Алматыда 20 мыңға жуық адам тұмау және ЖРВИ жұқтырғанын жазған болатынбыз.