ТҮРКІСТАН. KAZINFORM – Түркістан облысында қатты нөсер салдарынан өңірдегі үй аулаларын су алып жатыр.
Фото: Түркістан облыстық ТЖД
Тоқтаусыз жауған жаңбыр салдарынан Мақтаарал, Жетісай, Сарыағаш, Сайрам аудандарындағы жер үйлердің аулаларын су басты. Төтенше жағдайлар департаментінің мәліметіне сүйенсек, аталған аймақтағы 8 аула су астында қалған.
«Тұрғын үйлерді су басу қаупі жоқ. Жиналған жаңбыр суының арнасын бұру, су тарту жұмыстарына 21 қызметкер, 9-мотопомпа жұмылдырылды. Жұмыстар жалғасуда»-делінген Түркістан облысы ТЖД қоғаммен байланыс тобы таратқан ақпаратта.
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.