Қасында бір отар қойы бар 58 жастағы ер адам жол бойындағы қораны паналаған, деп хабарлайды Kazinform.
Отырар ауданына қарасты Сарыкөл ауылында бір отар қойы бар шопан жоғалып кеткен болатын.
Қатты жел, қарлы боран және аязға қарамастан іздестіру жұмыстары түнімен жүргізілді.
Нәтижесінде таңғы сағат бестер шамасында құтқарушылар 58 жастағы ер адамды тапты.
«Іздестіру кезінде шопан Сарыкөл ауылынан 20 шақырым жерден табылды. Ер адам жол бойындағы қораны паналаған. Жаурап қалған. Қазір қауіпсіз жерге жеткізілді. Қойлары да түгел» делінген Түркістан облысы ТЖД баспасөз қызметі таратқан ақпаратта.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.