Түркістан облысының полиция департаментінде өткен жылдың 8 айында қыз алып қашу дерегімен 16 іс тіркелген. Ал, биыл бұл бағытта 14 оқиға болды.
Департаменттің баспасөз хатшысы Гүлнар Абдужаппарованың айтуынша, жәбірленушілердің кешірім беруінен немесе екі тарап татуласып, отбасы құруына байланысты тіркелген істің бәрі қысқарып кеткен.
Елді елең еткізген қыз алып қашу оқиғасының бірі өткен жылы Шымкентте тіркелді. Еңгезердей жігіттің бойжеткенді көтеріп алып, көліктің ішіне салған сәті көшедегі камералардың біріне түсіп қалған. Содан соң белгісіз бағытқа қарай жүріп кеткен.
Айта кетейік, бұдан алдын Таразда қыз алып қашпақ болған жігіттердің сотталғанын жазған болатынбыз.