ҚР Ұлттық экономика вице-министрі Асан Дарбаевтың айтуынша, 2025 жылдың қорытындысы бойынша ТМҰ елдерінің өзара сауда көлемі 11,9 млрд доллардан асты. Қазақстанның ең көп тауар айналымы: Түркиямен — 4,9 млрд доллар, Өзбекстанмен — 4,3 млрд доллар, Қырғызстанмен — 2 млрд доллар, Әзірбайжанмен — 425 млн доллар.
Соңғы 20 жылда ТМҰ елдерінен Қазақстанға тікелей шетелдік инвестициялар ағыны 6,3 млрд доллардан асты, оның ішінде 2025 жылы - шамамен 210 млн доллар. ТМҰ мемлекеттерінің экономикаларына қазақстандық инвестициялар 2025 жылы 1,3 млрд доллардан астамын қоса алғанда шамамен 5 млрд долларға жетті.
Қазақстанда ТМҰ елдері капиталының қатысуымен 12 мыңнан астам компания және сауда мен өнеркәсіптік кооперацияны дамытуға елеулі үлес қосатын 1300-ден астам бірлескен кәсіпорын жұмыс істейді.
Түркістан облысының әкімі Нұралхан Көшеров облыстың инвестициялық, туристік, экономикалық әлеуетін таныстырды.
Кездесу қорытындысы бойынша, ТМҰ мүше мемлекеттер арасындағы экономика, сауда, инвестициялар және қаржы салаларындағы ынтымақтастықтың Жол картасы бекітілді.
Отырыстың басты оқиғасы - қол жеткізілген уағдаластықтарды бекіткен экономика және сауда министрлерінің 14-ші кездесуі коммюникесіне қол қойылды. Ұйымға мүше мемлекеттер арасындағы сауда саласындағы әріптестік туралы өзара түсіністік туралы Меморандум жасалды.