Түркістанда медицина қызметкеріне күш қолданған тұрғын қамауға алынды

ТҮРКІСТАН. KAZINFORM – Күдіктіге қатысты қылмыстық іс қозғалды.

Түркістан қаласында шақыртуға барған медицина қызметкеріне күш қолдану фактісі бойынша қылмыстық іс қозғалды. Бүгінде күдікті уақытша ұстау абақтысына қамалды. 

Түркістан облыстық полиция департаментінің мәліметіне сүйенсек, болған оқиғаның барлық мән-жайын анықтауға бағытталған қажетті іс-шаралар жүргізіліп жатыр. Тергеу нәтижесімен заңды шешім қабылданатын болады. 

- Полиция «Заң мен тәртіп» қағидатын іске асыру аясында құқыққа қайшы әрекеттер үшін жазаның бұлтартпастығы қамтамасыз етілетінін атап көрсетеді. Қылмыстық іс полиция департаменті басшылығының бақылауында, - делінген Түркістан облысы полиция департаментінің баспасөз қызметі таратқан ақпаратта.

Айта кетейік, бұдан бұрын Түркістан облысында қаржылық пирамида құрғандар сотталғанын жазған болатынбыз.