«Алматада өзіндік проблема бар. Атап айтқанда лифтке төлем шаршы метрлермен есептеледі. Яғни бұл жағдайда үшінші қабатта 3 бөлмелі пәтерде тұратын екі адам 12 қабаттағы 1 бөлмелі пәтерге қоныстанған 15 адамға қарағанда үш есеге көбірек төлейді. Бұл ретте талап-арызды даярлап жатырмыз және осы мәселені ретке келтіруге ниеттіміз»,-деді Светлана Романовская.
Айта кетейік, ол тұтынушылар құқықтарын қорғау бағытында құқықтары бұзылған тұрғындарға 400 млн теңгеден астам қаржы қайтарылғанын жеткізді.
Биыл «Тұтынушылар ұлттық лигасына» 25 жыл толып отырғанына тоқталған Романовская: «Осы уақыт ішінде 2,4 мыңнан астам талап-арыз беріп, жеңіп шықтық. Бұл тұрғыда сотқа дейінгі, медиативтік және кінәрат-талап тәртібі бойынша халыққа қайтарып берген қаржының сомасы 300 млн теңгеден астам материалдық шығынды, сондай-ақ 140 млн теңге моральдық залалды құрап отыр»,-деді.
12:35, 04 Шілде 2017
Тұтынушылар лигасы Алматыдағы «ерекше проблемамен» күреспек
АСТАНА. ҚазАқпарат - «Тұтынушылар ұлттық лигасы» Алматыда лифт қызметтері бойынша көңіл көншітпейтін төлем жүйесі мәселесін шешуге ниетті. Бұл туралы Үкімет отырысында аталған ұйымның басқарма төрайымы Светлана Романовская мәлім етті, деп хабарлайды ҚазАқпарат.