Түзету мекемелерінде бес мыңнан астам адам жаңа оқу жылында партаға отырады
12:28, 24 Тамыз 2010
АСТАНА. Тамыздың 24-і. ҚазАқпарат /Ғалымжан Хасенов/ - Пенитенциарлық жүйенің 54 оқу мекемесінде биылғы жаңа оқу жылында 5 мыңнан астам сотталушы партаға отырады, деп хабарлады Әділет министрлігінің Қылмыстық-атқару жүйесі комитетінен.
Комитеттің Сотталғандардың арасындағы тәрбие жұмыстары жөніндегі басқармасының бастығы Владимир Токин қуаттағандай, жыл сайынғы оқу процесі адамдардың жалпы және кәсіптік білім тегін білім алуға деген конституциялық құқықтарын жүзеге асыру мақсатында жүргізіледі.
Қылмыстық-атқару заңнамасына сәйкес, оқу үдерісі сотталушыны түзетудің негізгі құралдарының бірі болып табылады. Аталмыш заңнаманы жүзеге асыру аясында, жастары әлі 30-ға жетпеген тұлғалар міндетті түрде бүкіл оқу процесін қамтиды және аттестат алады, ал 30 жастан асқан сотталушылар мен 1- және 2-ші топтағы мүгедектер өз қалаулары бойынша орта білім ала алады.