АСТАНА. ҚазАқпарат – Елордалық «Астана» командасының UEFA чемпиондар лигасы екінші іріктеу сатысындағы ықтимал қарсыласы белгілі болды, деп хабарлайды ҚазАқпарат тілшісі.
Қазақстандық клуб жарыстың алғашқы сатысында Грузияның «Динамо» (Тбилиси) командасымен кездеседі.
Бірінші ойын өз алаңында 11-12 шілдеде өткізілсе, қарымта кездесу сырт алаңда 18-19 шілдеге белгіленген.
Ал, жарыстың екінші іріктеу сатысында Хорватияның «Динамо» (Загреб) клубымен шеберлік байқасады. Ойындар 25-26 шілде, 1-2 тамыз күндеріне белгіленген.
Бұл үшін елордалық команда жарыстың бірінші сатысында Грузияның «Динамо» (Тбилиси) командасын қапы қалдыруы тиіс.
Айта кетсек, «Астана» 2015-2016 жылғы кезеңде аталған турнирдің топтық кезеңінде ойын көрсетті.
Ал, 2016, 2017, 2018 жылдарда Еуропа лигасы топтық кезеңінде сынға түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.