НҰР-СҰЛТАН. ҚазАқпарат - Швейцарияның Ньон қаласында UEFA Чемпиондар лигасы алғашқы іріктеу кезеңінің жеребесі тартылды, деп хабарлайды ҚазАқпарат тілшісі.
Биыл аталған турнирге еліміздің атынан Алматының «Қайрат» командасы қатысады. Алматылық клуб алғашқы іріктеу кезеңінде Израильдің «Маккаби» (Хайфа) командасымен шеберлік байқасады.
Командалар екі ойын өткізіледі. «Қайрат» алғашқы ойынын 6/7 шілдеде сырт алаңда өткізсе, 13/14 шілдеде қарсыласын өз алаңында қабылдайды. Жеңімпаз Чемпиондар лигасы екінші кезеңіне жолдама алады. Оған жеребе 16 шілдеде тартылады.
Айта кетелік, алматылық клубқа бұдан бұрын ықтимал қарсыластар ретінде «Шахтер» Солигорск (Беларусь), «Нефтчи» (Әзербайжан) және «Теута» (Албания) командалары аталған еді.
«Қайрат» аталған турнирде екінші мәрте бақ сынағалы отыр. Бұдан бұрын 2005 жылы бірінші іріктеу кезеңінде Словакияның «Артмедиа» клубына жол берген болатын.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.