11:30, 26 Тамыз 2021

UEFA Конференция лигасы: Қазақстандық клубтардың ойынын қайдан көруге болады

НҰР-СҰЛТАН. ҚазАқпарат - Бүгін, 26 тамызда UEFA Конференция лигасы плей-офф сатысында қазақстандық «Қайрат» және «Шахтер» қарымта ойындарын өткізеді, деп хабарлайды ҚазАқпарат тілшісі.

Алматылық «Қайрат» өз алаңында Люксембургтің «Фола» командасын қабылдайды. Бір апта бұрын алматылық клуб сырт алаңда қарсыласынан 4:1 есебім ен басым түскен еді.

Бүгінгі ездесуде хорватиялық Фран Йович бас қазы қызметін атқарады. Оған отандастары Хрвое Радич пен Лука Пушич көмекшілік жасайды. Қосалқы төреші де хорватиялық Марио Зебец.

Матч елорда уақытымен 20:00-де басталып. Qazsport телеарнасынан тікелей эфирде көрсетіледі.

Тағы бір ойында Қарағандының «Шахтері» сырт алаңда Израильдің «Маккаби Тель-Авив» клубымен кездеседі. Бір апта бұрын қарағандылық команда елордада қарсыласынан 1:2 есебімен жеңіліп қалды.

Бүгінгі кездесуде черногориялық Никола Дабанович бас төреші қызметін атқарады. Оған отандастары Милован Джукич пен Владан Тодорович көмекшілік жасайды. Қосалқы төреші де сол елден келген Милош Бошкович.

Ойын елорда уақытымен 23:30-де басталып. «Qazsport» телеарнасынан тікелей эфирде көрсетіледі.


Спорт
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді. 2015-2020 жылдарда «Ақмешіт апталығы» газетінің бас редакторы болды. Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті. 2018 жылдан бері «Kazinform» ақпарат агенттігінде Қызылорда облысындағы меншікті тілші.