НҰР-СҰЛТАН. ҚазАқпарат - UEFA Конференция лигасы үшінші іріктеу сатысында қостанайлық «Тобыл» сырт алаңда Словакияның «Жилина» командасынан жол берді, деп хабарлайды ҚазАқпарат тілшісі.
Екі команда арасындағы алғашқы кездесуде қостанайлық клуб елордада 0:1 есебімен жол берген еді.
Ал бүгінгі кездесуде «Жилина» басымдығын арттыра түсті. Ойын барысында олардың қатарынан Давид Дюриш 14, Матуш Руснак 41, Ваган Бичахчян 64, Тибор Слебодник 81-минуттарда мергендік танытса, Ваган Бичахчян 91-минутта қорытынды есепті белгіледі.
Еске салсақ, бүгін Еуропа лигасы үшінші іріктеу сатысында Алматының «Қайраты» сырт алаңда Арменияның «Алашкертіне» жол беріп, енді Конференция лигасы плей-офф сатысында ойын көрсететін болды.
Ал Конференция лигасы үшінші іріктеу сатысында «Астана» өз алаңында Финляндияның КуПС клубына жол берсе, Қарағандының «Шахтері» Украинаның «Колосын» қапы қалдырып кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.