НҰР-СҰЛТАН. ҚазАқпарат - Футболдан UEFA Конференция лигасы үшінші іріктеу сатысында қостанайлық «Тобыл» командасы алғашқы ойынын өткізді, деп хабарлайды ҚазАқпарат тілшісі.
Қазақстандық клуб Босния және Герцоговинаның «Зриньски» клубымен шеберлік байқасты.
Ойын барысында қос команда тегеурінді қарсылық көрсетті. Екі команда қатарынан бір-бірден қызыл қағаз алды.
Кездесудің 76-минутында «Зриньски» футболшысы Нико Янкович соққан жалғыз гол ойын тағдырын шешті.
Кездесуде «Тобыл» қарсыласына 0:1 есебімен жол берді.
Енді қарымта ойын 11 тамызда Қостанайда өткізіледі.
Екі команда 2010/11 жылғы кезеңде Еуропа лигасында бір мәрте шеберлік байқасты. Екеуінде де аталған клуб 2:1, 2:1 есебімен жеңіске жетті.
Еске салсақ, «Қызылжар» үшінші іріктеу сатысында сырт алаңда Кипрдің АПОЭЛ клубына 0:1 есебімен жол берді .
Сондай-ақ, бұдан бұрын Конференция лигасы екінші іріктеу сатысында «Астана» және «Қайрат» жарыс жолынан шығып қалды .
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.