Екінші жартылай финалда Бельгия және Франция шеберлік байқасты.
Ойынның бірінші кезеңінде бельгиялық футболшылар жауапсыз екі доп соққан еді. Алдымен 37-минутта Янник Карраско есеп ашса, 40-минутта Ромелу Лукаку басымдықты арттырды.
Екінші кезеңде франциялықтар өте жинақы қимыд көрсетті.
Нәтижесінде Карим Бензема 62-минутта мергендік танытса, Килиан Мбаппе 69-минутта пенальтиден таразы басын теңестірді.
Ал Тео Эрнандес 90-минутта қорытынды есепті белгіледі.
Осылайша Франция құрамасы финалға берілген екінші жолдамаға ие болды.
Еске салсақ, бұдан бұрын жартылай финалда Испания Италиядан 2:1 есебімен басым түскен еді.
Енді 10 қазанда финалда Испания және Франция кездеседі. Дәл сол күні 3-орын үшін Бельгия мен Италия жасыл алаңға шығады.
Ұлттар лигасы ойындары 2018 жылдан бастап өтіп жүр. Алғаш рет Португалия құрамасы чемпион атағын жеңіп алды.