АСТАНА. ҚазАқпарат - UEFA Ұлттар лигасы финалдық сатысының жеребесі тартылды, деп хабарлайды ҚазАқпарат тілшісі.
Нәтижесінде аталған турнирдің финал сатысындағы жартылай финал жұптары анықталды.
Жарыстың аталған сатысында Испания мен Италия, Нидерланд пен Хорватия құрамалары кездеседі.
Ұлттар лигасының финалдық сатысы Нидерландтың Роттердам және Энсхеде қалаларында 14-18 маусым күндері өткізіледі.
Жартылай финал 14 және 15 маусым күндеріне белгіленсе, үшінші орын ойыны мен финал 18 маусым күні болады.
Айта кетсек, қазақстандық футболшылар С лигасы үшінші тобында Словакия, Әзербайжан және Беларусь құрамаларымен сынға түсті.
Нәтижесінде алты ойынның 4-еуінде жеңіске жетсе, біреуінде тең ойнап, тағы бірінде қарсыласқа есе жіберді .
Қазақстандық футболшылар В дивизионына жолдамаға қол жеткізді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.