АСТАНА. ҚазАқпарат - Футболдан биылғы UEFA Ұлттар лигасында өз тобында Қазақстан құрамасы сапындағы үздік ойыншы анықталды, деп хабарлайды ҚазАқпарат тілшісі.
WhoScored.com футбол статистикасы сайтының нұсқасы бойынша С дивизионы үшінші тобындағы барлық құрама ойыншылары арасында қазақстандық Михаил Габышев жоғары рейтингке қол жеткізді. Оны орташа бағалау 7.3 балды құрады.
Сондай-ақ, аталған топтың символикалық құрамасына Габышевтен өзге тағы төрт футболшы енгізілген.
Еске салсақ, Қазақстан ұлттық құрамасы аталған топта Әзербайжан, Словакия және Беларусьті артқа салып, бірінші орын алды.
Ел құрамасы алты ойынның 4-еуінде жеңіске жетсе, 1-еуінде тең ойнап, 1-еуінде қарсыласқа есе жіберді.
Қазақстандық футболшылар бір тур бұрын В дивизионына жолдамаға қол жеткізді. Оған қоса 2024 жылғы Еуропа чемпионаты финалдық сатысына берілетін жолдаманы сарапқа салуға мүмкіндік алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.