НҰР-СҰЛТАН. ҚазАқпарат - Футболдан UEFA Ұлттар лигасының төртінші туры екінші ойын күні өтті, деп хабарлайды ҚазАқпарат тілшісі.
Бұл күнгі негізгі кездесулер А лигасы бірінші тобында болды. Өз алаңында Франция Хорватияға 0:1 есебімен жол берсе, Дания Австрияны 2:0 есебімен тізе бүктірді.
Айта кетсек, Франция төрт ойында небәрі екі ұпай алды, турнир кестесінде көш соңында тұр. Осылайша олар жанкүйер сенімінен шыға алмай келеді.
Сондай-ақ, В лигасы екінші тобында Исландия мен Израиль 2:2 есебімен тең түсті.
Ал С лигасы үшінші тобында сынға түсіп жатқан Қазақстан Словакияны 2:1 есебімен сүріндірсе, Әзербайжан Беларусьті 2:0 есебімен жеңді.
Енді 14 маусымда UEFA Ұлттар лигасының төртінші тур ойындары мәресіне жетеді. Одан кейінгі ойындар қыркүйек айында жалғасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.