АСТАНА. KAZINFORM — Дана Уайт ұйымның Қазақстанда турнир өткізу бойынша жұмыс істеп жатқанын мәлімдеді. Бұл туралы Kazinform агенттігі Informsports.kz-ке сілтеме жасап хабарлады.
Абу-Дабиде өткен UFC 333 турнирінің баспасөз мәслихатында журналистер промоушен басшысынан Қазақстанда UFC турнирі қашан өтетінін сұрады.
— Жақын арада. Біз осы бағытта жұмыс істеп жатырмыз, — деп жауап берді Дана Уайт.
Қазіргі уақытта UFC-де Қазақстан атынан бес спортшы өнер көрсетеді. Олар: Шавкат Рахмонов (19-0), Асу Алмабаев (24-3), Дияр Нұрғожай (12-2), Николай Веретенников (14-8) және Әліби Ыдырыс (10-1, 1 NC).
Еске салайық, бұған дейін Асу Алмабаев UFC-дің бұрынғы үміткерімен болатын кездесуге үш елде дайындалатынын жазғанбыз.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.