Уго Чавес Түрікменстанға ресми сапармен келді
17:53, 07 Қыркүйек 2009
АСТАНА. Қыркүйектің 7-сі. ҚазАқпарат - Венесуэла Республикасының Президенті Уго Чавес кеше, қыркүйектің 6-сында Түрікменстанға алғашқы ресми сапармен келді,
деп хабарлайды ИТАР-ТАСС агенттігі.
Ашғабад Венесуэла басшысының сапарын «сындарлы мемлекетаралық диалогтың бастауы, екі мемлекеттің көпжоспарлы ынтымақтастықты дамытуға деген ниеттерінің айғағы» ретінде бағалап отыр.
Құрбанқұлы Бердімұхамедов пен Уго Чавестің ресми кездесуі дүйсенбіге, қыркүйектің 7-сінде жоспарланды, деп хабарлады Түрікменстан басшысының баспасөз қызметінен. «Мемлекет басшылары екі елдің экономикалық әлеуетінің негізіндегі келешегі кемел ұзақ мерзімдік экономикалық серіктестіктің басымдығын нақтылайды және бірқатар өзекті мәселелерді талқылайды», деп күтілуде.