АСТАНА. ҚазАқпарат – Қазақстандық Анна Данилина аралас жұпта Уимблдон турнирінің 1/8 финалына өтті, деп хабарлайды ҚазАқпарат тілшісі.
Қазақстандық теннисші 41 жастағы франциялық жұптық өнер шебері Николя Маюмен бірге бастапқы кездесуін аргентиналық Андрес Мольтени – ресейлік Яна Сизиковамен өткізді.
Қазақстандық-франциялық жұп 6:1, 6:4 есебімен оңай жеңіске жетті. Бір сағатқа жуық уақытқа созылған матчта олар 2 эйс жасап, 6 брейк-пойнттың тең жартысын пайдаланды.
А.Данилина – Н.Маю ширек финалға шығу үшін италиялық Андреа Вавассори – ресейлік Людмила Самсоновамен таласады.
Осылайша, Уимблдон жарысында Қазақстаннан Елена Рыбакина мен А.Данилина ғана қалды.
Еске сала кетейік, бұдан бұрын Елена Рыбакинаның Уимблдонда төртінші айналымға шыққанын жазған болатынбыз. Спортшы келесі қарсыласы туралы айтты.
Сондай-ақ Михаил Кукушкин АҚШ-тағы турнирдің финалында өнер көрсетеді. Ал Александр Бублик Уимблдонда 39 эйс жасағанымен, ширек финалға шыға алмады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).