АСТАНА. KAZINFORM – Қазақстандық теннисшілер жұптық сында жасөспірімдер арасында Уимблдон турнирінің екінші айналымына өтті.
Заңғар Нұрланұлы – Дамир Жалғасбай бастапқы кездесуін америкалықтар Райан Козад – Максимус Дюссомен өткізді.
Бірінші партияда қазақстандық жұп 7:5 есебімен басым түсті.
Екінші сетте америкалық дуэт қарымта қайырды – 7:6 (7:3). Дегенмен супер тай-брейкте Заңғар мен Дамир жеңісті жұлып алды – 10:7.
Матч сағат жарым уақытқа созылды.
Тағы бір қазақстандық Әмір Омарханов ресейлік Егор Плешивцевпен бірге америкалықтар Матисс Фарзам – Гэвин Гудтың мысын басты – 6:3, 7:5.
Қазақстандық теннисшілер келесі қарсыластарын жеңсе, ширек финалға жолдама алады.
Өкінішке қарай, олар жекелей сында жарыс жолынан шығып қалды.
Еске сала кетейік, бұдан бұрын Елена Рыбакинаның Уимблдон турнирінің төртінші айналымынан тыс қалғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).