АСТАНА. ҚазАқпарат – Атақты швейцариялық теннисші Роджер Федерер Уимблдонда орталық кортта Елена Рыбакинаның ойынын тамашалап, жеңісіне қол соқты, деп хабарлайды ҚазАқпарат тілшісі.
Е.Рыбакина мен америкалық Шелби Роджерс матчы алдында «Үлкен дулыға» турнирлерінің 20 дүркін чемпионы Р.Федерерге құрмет көрсетілді.
Даңқты ойыншының құрметіне көрермендер бірнеше минут бойы қол шапалақтады.
Бәсеке аяқталғаннан кейін Роджер Федерердің өзі орнынан тұрып, қазақстандық теннисшіге қол соқты. Бұл Уимблдон Twitter әлеуметтік желісінде жариялаған видеодан анық көрінеді.
Еске сала кетейік, бұдан бұрын Александр Бубликтің 24 эйс жасап, Уимблдонды жеңіспен бастағанын жазған болатынбыз.
Сондай-ақ Уимблдонда Елена Рыбакина екінші айналымға шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).