АСТАНА. KAZINFORM - Қазақстандық теннисші, әлемнің 251-ракеткасы Бейбіт Жұқаев Уимблдон турнирінің іріктеу сайысында екінші кездесуін сәтті өткізді.
Қазақстандық теннисші іріктеудің жартылай финалында әлемнің 137-ракеткасы, германиялық Янник Ханфманнан айласын асырды.
Бір сағат 24 минутқа созылған матчта Бейбіт 7:6 (9:7), 6:3 есебімен жеңіске жетті. Ол 19 эйспен бірге 2 брейк-пойнттың біреуін пайдаланды.
Бейбіт Жұқаев іріктеу сайысының финалында әлемнің 200-ракеткасы, жапониялық Джеймс Кент Троттер немесе рейтингіде 239-сатыдағы франциялық Люка
Павловичтің қай жеңгенімен шеберлік таластырады. Келесі қарсыласын ұтса, негізгі жарысқа жолдама алады.
Бүгін тағы бір қазақстандық, әлемнің 190-ракеткасы Михаил Кукушкин рейтингіде өзінен төрт саты төмен тұрған даниялық Аугуст Хольмгренге жол берді - 6:4, 6:7 (4:7), 2:6.
Ал рейтингіде 212-орындағы Тимофей Скатов әлемнің 144-ракеткасы, бельгиялық Александр Блоксқа есе жіберді - 4:6, 5:7.
Еске сала кетейік, бұдан бұрын Уимблдонның іріктеу турнирінде Бейбіт Жұқаевтың алғашқы жеңісіне қол жеткізгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).