«Бағдарламаға 161 млрд. теңгеден астам қаражат қарастырылған. Өткен бесжылдықта бұл сома шамамен 40 млрд. теңгенiң көлемiнде болды», - дейдi вице-министр.
Оның сөзiне қарағанда, Қазақстанда пайдалы қазбалардың мол қоры сақтаулы. Сондықтан бағдарлама аясында құнды металдар қорының жаңа кенiштерiн iздестiруге бағытталатын болады.
«Көмiр мен темiр кенiштерiнiң жалпы қоры шамамен 300-500 жылға жетедi. Сол себептi мемлекет негiзгi күштi сирек кездесетiн кенiштерге жұмсауы тиiс. Осы бағдарламаны бiз полиметалдарды, сирек кездесетiн металл түрлерiн, алтын, мыс қорын барлауға бағыттаймыз», - деп атап өттi ол.