Үкімет Басшысы мен қала әкімі Иманғали Тасмағамбетов, Бейбітшілік және келісім сарайы маңындағы Тәуелсіздік даңғылының бойына ағаш көшеттерді отырғызды.
«Астана-Зеленстрой» АҚ-ның бас директоры Жарқын Жұмағұловтың айтуынша, аталмыш учаскіде Президент Әкімшілігі мен Премьер-Министр Кеңсесінің қызметкерлері, елорданың ауа райы жағдайына және топырағының ерекшелігіне бейімді - тал мен үйеңкінің барлығы 440 көшетін отырғызатын болады.
«Жалпы алғанда, қалада 300 метр «жасыл белдеу» жасалып, 1833 ағаш отырғызу көзделуде. Оның 197-і - Сарыарқа, 1000-ы - Алматы және 600-ден астамы - Есіл ауданында бой көтеретін болады», - деді Ж.Жұмағұлов.
Әкімдіктің мәліметтеріне сәйкес, сенбілікке 73 мың тұрғын, 460 автокөлік пен арнайы техникалар жұмылдырылылуда.