Осы ретте ол өзінің орынбасары Қайрат Келімбетовке аталған жүйені енгізу ісіне барлық жағдай жасау керектігін баса айтты.
«Мен сіздің аудандық, мүмкін ауылдық елді мекендерге дейінгі мемлекеттік мекемелерді «Қазынашылық-клиент» жүйесімен қызмет көрсету ісіне қосуды жеделдетуіңізді қолдаймын», - деді С.Ахметов Қаржы министріне қарата. - Егерде сіз, қаржыландыру жағдайын ескере отырып, мұны 2014 жылдың соңына дейін жасайтын болсаңыз, онда Үкімет толығымен қолдау көрсетеді».
Айта кетейік, алқа мәжілісінде Болат Жәмішев 2012 жылы мемлекеттік мекемелермен өзара іс-қимылдың тиімділігін арттыру үшін және ауданнан төмен әкімшілік деңгейде қазынашылық бөлімшелерін құрмай-ақ жергілікті өзін-өзі басқару органдарына қашықтан қызмет көрсетуді қамтамасыз етудің маңызды құралы ретінде «Қазынашылық-клиент» ақпараттық жүйесін дамыту жалғасқанын атап өткен еді.