АСТАНА. ҚазАқпарат - Бүгін Үкімет отырысында ҚР Премьер-Министрі Серік Ахметов тұрмыстық қатты қалдықтарды басқару жүйесін жаңғырту бағдарламасы амалдарын мақұлдады. Аталған құжатты ҚР Қоршаған орта және су ресурстары министрі Нұрлан Қаппаров таныстырған еді.
Үкімет басшысы қатты қалдықтарды басқару мәселесі шетелдік сарапшылардың қатысуымен 2 жыл бойы жан-жақты талқыланғанын атап өтті.
«Бүгін біз бұл бағдарламаны қабылдауға да келіп жеттік. Толықтай алғанда айтылған амалдарды мақұлдауды ұсынамын. Қоршаған ортаны қорғау министрлігіне, Кеңсеге (ҚР Премьер-Министрі Кеңсесіне) тиісті қаулының жобасын енгізуді тапсырамын», - деді С.Ахметов.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.