17:07, 06 Қазан 2011

Үкіметтік емес ұйымдар туралы нақты заң қабылданса - Л.Шағатай, «Жайық» деструктивтік діни ағымдардан жапа шеккендерге көмек орталығының төрайымы

АСТАНА. 6 қазан. ҚазАқпарат /Елжан Ералы/ - Үкіметтік емес ұйымдар туралы нақты заң қабылдануы керек. Бұл туралы Астанада басталған бесінші Азаматтық форумға қатысып жатқан «Жайық» деструктивтік діни ағымдардан жапа шеккендерге көмек орталығының төрайымы, Батыс Қазақстан облысынан келген Ләззат Шағатай мәлім етті.

Оның айтуынша, осыған дейінгі заң жобаларында қоғамдық бірлестік құру үшін кемінде он адам болуы қажеттігі көрсетілген болатын. Осыны үш-төрт адамға дейін төмендетсе де болар еді. «Менің басты ойым - кез келген қоғамдық ұйымда волонтерлік қызметті дамыту қажет. Сондай-ақ қазіргі кезде діни мәселелер қоғамда өзекті тақырыпқа айналып отыр. Осыған орай әріптестеріммен ой бөліссем деймін», деді Л.Шағатай.

Азаматтық қоғам және ҮЕҰ Астана Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).