Үкіметтің резерві 45 млрд. теңгеге ұлғайтылады

«Болжанбаған, оның ішінде экономикадағы өзгерістерге байланысты туындаған жағдайларға уақтылы ден қою үшін Үкіметтің резервін 45 млрд. теңге сомасына ұлғайту ұсынылады», - деді ведомство басшысы. Айта кетейік, бүгін Министрлер кабинетінің отырысында Үкімет 2014 жылға нақтыланған бюджетті мақұлдады. Нәтижесінде, 2014 жылға арналған республикалық бюджеттің түсімдері 6 206,1 млрд. теңге көлемінде немесе бекітілген бюджетпен (5 773,7 млрд. теңге) салыстырғанда 431,7 млрд. теңгеге өсумен айқындалды. Республикалық бюджеттің кірістері (трансферттер түсімдерінсіз) бекітілген жоспардағы 4 029,4 млрд. теңгеге қарағанда, 331,7 млрд. теңгеге ұлғайтыла отырып нақтыланды және 4 360,9 млрд. теңгені құрайды. Өз кезегінде Премьер-Министр Серік Ахметов бүгін осы құжат бүгін толық пысықталып, ертең бюджеттің нақтыланған жобасы Парламентке енгізілетінін атап өтті.