ҰҚК басшысы ҚХР министрімен терроризмге қарсы күрес мәселесін талқылады
16:59, 07 Сәуір 2017
АСТАНА. ҚазАқпарат - 7 сәуірде Қазақстан Республикасы ҰҚК төрағасы Кәрім Мәсімов Қытай Халық Республикасының Қоғамдық қауіпсіздік министрі Го Шэнкунь кездесті. Бұл туралы ҚазАқпарат ҚР ҰҚК баспасөз қызметіне сілтеме жасай отырып хабарлайды.
Қытайлық делегация Астана қаласына ШЫҰ елдері Қауіпсіздік кеңестері хатшыларының 12-ші кездесуіне қатысуға келген.
Тараптар терроризмге қарсы, трансұлттық қылмыстық қауымдастық және есірткі бизнесімен күрес, сондай-ақ кибер қауіпсіздікті қамтамасыз ету мәселелерін талқылады.
ШЫҰ қатысушы елдер арнаулы қызметтерінің ынтымақтастығын кеңейтудің кейбір аспектілері қарастырылды. ШЫҰ кеңістігінде терроризм, сепаратизм және экстремизмнің жолын кесу саласындағы өзекті мәселелерді шешу мақсатында бірлескен іс-шараларды нығайту келісілді.