13:08, 02 Желтоқсан 2013

Украинада наразылық білдірушілер үкіметтің ғимаратына кіреберісті жауып тастады

АСТАНА. 2 желтоқсан. ҚазАқпарат - Киевте наразылық акциясына қатысушылар Украинаның Министрлер кабинетіне және Ұлттық банкке кіретін барлық есіктерді оқшаулап, қызметкерлердің қозғалысына шектеу қойды.

Атап айтқанда, митингке қатысушы 5 мыңнан астам адам үкімет ғимаратының бас кіреберісінің алдына келіп тоқтады.

Шетелдік БАҚ-тың мәліметінше, үкімет ғимаратының ауласында арнайы бөлімше жасағының қызметкерлері тартылды, алайда милиция ешқандай белсенді іс-қимыл жасап жатқан жоқ.

Жексенбіден бері Киевтің орталық көшелерінде ондаған мың адам жүр. Олар ЕО-мен қауымдастық жөніндегі келісімге қол қоюды тоқтату тұру туралы украиналық үкіметтің шешіміне қарсы наразылықтарын білдіруде.

Әлем жаңалықтары Әлем

Руслан Ғаббасов

Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.