Украинада өртенген қонақ үйде 9 адам мерт болды

ОДЕССА. Укринформ - ҚазАқпарат – Одесса қаласындағы «Токио Стар» қонақүйіндегі өрттен құрбан болғандар саны 9 адамға жетті, деп хабарлайды ҚазАқпарат Укринформға сілтеме жасап.

«Нақтыланғанақпарат бойынша 17 тамызда сағат 14:12-де тергеу жүргізу барысында өрт болғанжерден 9 адамның денесі табылды», - делінген Украинаның Төтенше жағдайлар бойынша мемлекеттікқызметі таратқан хабарламада.

Еске сала кетсек,17 тамызға қараған түні Одесса қаласындағы «Токио Стар» қонақ үйінде өрт шығып, сегіз адам құрбан болған, тоғызадам ауруханаға жеткізілген. Өртке қатысты қылмыстық іс қозғалды. Ғимараттан барлығы 150адам эвакуацияланды.