«Ұжымдық қауіпсіздік шарт ұйымының бас хатшысы Станислав Засьтің ақпаратына сәйкес, әскердің жалпы саны 2 500 адамды құрайды. Олардың барлығы Алматыға келді. Әскерилер ҰҚШҰ-ның барлық елдерінен, атап айтқанда, Ресей, Армения, Тәжікстан, Қырғызстан және Беларусьтан жетті», - деді ҚР Сыртқы істер министрлігінде ұйымдастырылған брифинг барысында Шахрат Нұрышев.
Айта кетейік, ҰҚШҰ Ұжымдық бітімгершілік күштерінің басты міндеті - маңызды мемлекеттік нысандарды қорғау, ҚР құқық қорғау органдарына жағдайды тұрақтандырып, заңның үстемдік етуін қамтамасыз етуге көмектесу.