Бұл туралы қалалық прокуратураның алқа мәжілісінде мәлім етілді.
Прокуратураның дерегі бойынша, жүргізілген тексерулер барысында бюджет пен үлестік құрылыс қаражаттарының заңды жұмсалу мәселелеріне айрықша назар аударылған.
Прокуратура органдарының араласуының арқасында 5 мыңға жуық елорда тұрғыны 140 миллион теңгеден астам сомадағы өздерінің маңдай тер еңбекақыларын ала алған. Прокуратура сонымен бірге, алақол жұмыс берушілерге қатысты жалпы сомасы 5 миллионнан астам теңгенің 78 әкімшілік ісін қозғады.
Сондай-ақ, прокуратура үлестік құрылысқа қатысқан азаматтардың тұрғын үй құқықтарын қорғау мақсатында І жартыжылдықта 773 үлескердің мүдделерін қорғай отырып, олар төлеген 6 милиард теңгеден астам ақшалай қаражатты өндіру және үлестік құрылысқа қатысу туралы келісім шарттарды бұзу туралы 9 талап-арызын енгізді. Үлестік құрылысқа қатысқандардың ақшалай қаражаттарын ұрлау фактілері бойынша 7 қылмыстық іс қозғалды.