Ұлыбритания королінен қатерлі ісік анықталды

Фото: Фото: twitter.com/RoyalFamily

АСТАНА. KAZINFORM – Букингем сарайы король III Чарльз қатерлі ісік ауруынан емделіп жатқанын хабарлады. Бұл туралы BBC жазды.

Емдеу кезінде ол салтанатты міндеттерін орындауды жалғастырады, бірақ қоғамдық шаралардан аулақ болады.

Сарай мәлімдемесінде патшаның емделуіне оң көзқараспен қарайтыны және өзінің барлық қоғамдық міндеттеріне толықтай оралуын асыға күтетіні айтылған.

Корольдің өкілі оның қандай қатерлі ісікке шалдыққанын айтпады. Бірақ простата обыры емес екенін атап өтті.

Өткен аптада патша қуық асты безінің ұлғаюына байланысты операциядан кейін ауруханадан шыққан. Сарай бұл патологияны зиянсыз деп атады.