Іс-шараға Сәтбаев қаласы білім бөлімінің басшысы, Сәтбаев қаласы Төтенше жағдайлар бөлімі бастығының міндетін атқарушы, азаматтық қорғау органының қызметкерлері қатысты.
Басқосу барысында Сәтбаев қаласы Төтенше жағдайлар бөлімі бастығының міндетін атқарушы оқушыларды құттықтап, жас құтқарушылардың бойында жоғары патриоттық сананы қалыптастыру, азаматтық борышын және Отанды қорғау жөніндегі конституциялық міндеттерді орындауға дайындығы бойынша барлық күш-жігері үшін мұғалімдерге алғысын білдірді. Сондай-ақ ант қабылдаған оқушыларға кадет куәлігін табыстады.
Аталмыш іс-шара салтанатты шеру мен концерттік бағдарламаға ұласты.