Ұлытау облысының әкімі тұрғындармен бірге тал екті

ЖЕЗҚАЗҒАН. KAZINFORM – 2025 жылғы 5 сәуірде «Таза Қазақстан» жалпыұлттық экологиялық акциясы аясында Ұлытау облысында кең ауқымды жалпы облыстық сенбілік өтті.

Іс-шара өңірде экологиялық мәдениетті қалыптастыру, тұрғындарды қоршаған ортаны қорғауға және тазалықты сақтауға шақыру мақсатында ұйымдастырылды. 

Сенбілік барысында Жезқазған қаласындағы Ғарышкерлер бақжолында 100 түп ағаш отырғызу жоспарланды. Игілікті іске облыс әкімі Дастан Рыспеков және мемлекеттік мекемелер қызметкерлері, түрлі ұйымдар, еріктілер мен қала тұрғындары белсенді түрде қатысты. 

Фото: Ұлытау облысының әкімдігі

Еске сала кетейік, бұған дейін Ұлытау облысының Теректі стансасында жаңа мектеп ашылғанын хабарлаған едік.