Үлкен Флойд Мейвезер ұлының Головкинмен жекпе-жек өткізуіне қарсы

АСТАНА. ҚазАқпарат - Рound-4-pound рейтингінің лидері кіші Флойд Мейвезердің (48-0, 26 КО) әкесі үлкен Флойд ұлының WBA/IBO нұсқасы бойынша орта әлем чемпионы Геннадий Головкинмен (33-0, 30 КО) кездесуіне қарсы, деп хабарланды ВКонтакте әлеуметтік желісіндегі GGG ресми парақшасында.

Еске сала кетейік, Головкин WBC және WBA белдеулерінің иегері Мейвезермен кездесу үшін салмағын түсіруге дайын екенін айтқан.

«Флойдтың онымен жекпе-жекке шығуын көргім келмейді. Головкин бірінші орта салмақтағы боксшы үшін ірі. Ол менің ұлым үшін ірі қарсылас», - деген пікірімен үлкен Мейвезер esnewsreporting берген сұхбатында бөлісті.