Ұлттар лигасы: Қазақстан құрамасының ойын күнтізбесі белгілі болды

АСТАНА. KAZINFORM - Футболдан Қазақстан құрамасының 2026/27 жылғы UEFA Ұлттар лигасындағы ойын күнтізбесі белгілі болды.

Отандастарымыз алдағы маусымда С лигасының үшінші тобында ойнайтын болды.

Қарсыластары - Словакия, Фарер аралдары және Молдова.

Бұл топтағы жеңімпаз құрама алдағы маусымда В лигасында сынға түседі. 

Қазақстан құрамасының ойын кестесі (Астана уақытымен)

26 қыркүйек. 21:00. Фарер аралдары - Қазақстан

29 қыркүйек. 23:45 Словакия - Қазақстан

2 қазан. 19:00. Қазақстан - Молдова

6 қазан. 19:00. Қазақстан - Фарер аралдары

14 қараша. 00:45. Молдова - Қазақстан

16 қараша. 20:00. Казақстан - Словакия. 

Айта кетсек, 2024 жылы Қазақстан құрамасы В лигасында сынға түсті. Өз тобында Норвегия, Австрия, Словенияны алға салып, төртінші орынды місе тұтты.

Өз алаңында Норвегиямен 0:0 есебімен ойнаса, сырт алаңда оларға 0:5 есебімен есе жіберді.

Ал Словенияға 0:3, 0:1 , Аустрияға 0:4, 0:2 есебімен жеңілді.

Ұлттар лигасы 2018 жылдан бері тұрақты түрде өткізіліп келеді. Қазірге дейін Португалия, Франция, Испания құрамалары чемпион атанды.