АСТАНА. ҚазАқпарат - 15 маусымнан 16-на қараған түні UEFA Ұлттар лигасының тағы бір жартылай финалында Испания мен Италия құрамалары кездеседі, деп хабарлайды ҚазАқпарат тілшісі.
Испания мен Италия құрамаларының ойыны елорда уақытымен 00.35-те басталып, «Qazsport» телеарнасынан тікелей эфирде көрсетіледі.
UEFA Ұлттар лигасының финалдық сатысы 14-18 маусым аралығында Нидерландтың Роттердам және Энсхаде қалаларында өткізіледі.
Бұған дейін Хорватия құрамасы Нидерландты 4:2 есебімен жеңіп, финалға жолдама алды.
https://kaz.inform.kz/news/ulttar-ligasy-horvatiya-kuramasy-finalga-zholdama-aldy_a4079056
Айта кетсек, Ұлттар лигасында 2019 жылы Португалия, 2021 жылы Франция чемпион атанды.
Еске салсақ, Қазақстан құрамасы В дивизионына жолдамаға қол жеткізді.
Қазақстандық футболшылар С лигасы үшінші тобында Словакия, Әзербайжан және Беларусь құрамаларымен сынға түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.