АСТАНА. ҚазАқпарат - Дәл қазір Ұлттар лигасы Д дивизионы бойынша бірінші топтағы Қазақстан құрамасы сырт алаңда Андоррамен кездесіп жатыр, деп хабарлайды ҚазАқпарат тілшісі.
Ойын біздің құрама басымдығымен өткенімен әзірге ешқандай нәтиже келіп жатқан жоқ. Біздің футболшылар алаң иелері қақпасына шабуылды үдеткенімен одан ешбір пайда болмай отыр. Андорралықтар негізінен қорғаныс шебіне көбірек көңіл бөліп жүргені байқалып отыр.
Қазақстан құрамасының бас бапкері Станимир Стоилов өткен ойыннан бірқатар өгерістер енгізді. Бұл жолы негізгі құрамда Еркебұлан Тұңғышбаев пен Юрий Логвиненконы алғашқы минуттан жасыл алаңға шығарды. Грузиямен кездесуде олардың орнында Сергей Малый мен Георгий Жуков болған еді.
Естеріңізге сала кетелік, біздің құрама алғашқы турда өз алаңында Грузияға 0:2 есебімен жол берген еді. Андорра бірінші турда Латвиямен 0:0 есебімен тең ойнады. Грузиялықтар кеше Латвияны өз алаңында 1:0 есебімен тізе бүктіріп, турнир кестесіндегі жағдайын біршама жақсартып алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.