АСТАНА. KAZINFORM – «Ұлттық қор – балаларға» жобасы аясында балалар есепшотына түскен қаражат инвестициялауға жұмсалады. Бұл туралы Премьер-Министр орынбасары Тамара Дүйсенова айтты.
«Бұл қаражат инвестицияланады. Жыл сайын есептері ұсынылады», - деді Тамара Дүйсенова Үкіметтегі брифингте тілшілерге берген жауабында.
ҚР Премьер-Министрінің орынбасары жыл сайын зейнетақы жинақтары сияқты бұл қаражат та өсетінін айтты.
Бұған дейін Бірыңғай жинақтаушы зейнетақы қоры «Ұлттық қор — балаларға» жобасы бойынша бала шотына түсіп жатқан сома туралы түсінік берді.
Айжан Серікжанқызы
Айжан Серікжанқызы Қасым Л. Н. Гумилев атындағы Еуразия ұлттық университеті Журналистика және саясаттану факультетінің түлегі. Мамандық бойынша РФ Татарстанның Қазан қаласында, Польшаның Вроцлав қаласында тағылымдамадан өткен. 2017 жылдан бері ҚазАқпарат агенттігінде жұмыс істейді.